Usurbilgo Sendategia patologia psikiatrikoak dituzten gaixoen zaintzan tradizio handia duen erakundea da, hain zuzen 1935. urteaz geroztik zeregin horretan aritzen dena.

Gure osasun etxea Usurbilgo (Gipuzkoa) San Esteban auzoan dago, Donostiatik 11 kilometrotara besterik ez; gaixoen atsedena eta ongizatea erraztu eta aire libreko jarduerak bideratzeko ingurune natural oso egoki batean dago.

Gure 60.000 m2 lur-sailaren erdian dugu 1.500 m2 dituen eraikina, parkea, basoa, baratza desberdinak, lorategia eta pilotalekua dituena.